محلہ سرگوجرہ چکوال میں سٹی پولیس نے فحاشی کے اڈے پر چھاپہ مار کر رنگ رلیاں مناتے ہوئے تین مردوں اور ایک خاتون کو گرفتار کر لیا جبکہ اڈے کی نائیکہ تاریکی کا فائدہ اٹھاتے ہوئے موقع پر سے فرار ہوگئے۔ سب انسپکٹرمحمد اسلم لاپھی نے مخبر کی اطلاع پر تانیہ شاہ محلہ سرگوجرہ میں بدکاری کے اڈے پر لیڈی کانسٹیبل عروسہ سلطانہ کے ہمراہ چھاپہ ماراتو تین افراد اور ایک عورت گھر کے گیٹ سے نکل کر بھاگنے کی کوشش کررہے تھے تو ان کوپولیس نے قابوکر لیا۔ ان میں وسیم عباس ولد گلستر خان، محمد اصغر ولد محمد اشرف ،محمد سلیمان ولد محمد حنیف ساکن دلیلپور اور عورت کا نام رمشہ عرف عائشہ دختر غفور محمد ساکن لاہور پتا چلا۔ ملزمان نے بتایا کہ مسماۃ تانیہ شاہ نے چار ہزار روپے کے عوض خاتون رمشہ کو مذکورہ ملزمان کے حوالے کیا۔ وسیم عباس کی تلاشی کے دوران اس کی جیب سے 300روپے نقد، موبائل ٹیلی فون، محمد سلیمان کی جیب سے1200روپے، جبکہ رمشہ کی جیب سے1000روپے اور موبائل فون برآمد ہوئے۔ پولیس نے مقدمہ درج کر کے ملزمان کو جوڈیشل حوالات بھیجوا دیا ہے۔